【MODERN TIMES TRAVEL GUIDE 12・#MT開店日常 2023年6月27日】
已經分唔到係Late Lunch定Early Dinner，4:45走咗出去食飯，雖然肚餓，但又諗唔到去邊，突然見到一輛西行電車駛過，上咗先算，無辦法，小弟生性浪漫。 電車經過正街，突然想到一間，我有段時間日日去食早餐的茶餐廳，正是華聯，已經好耐無嚟，一於再去啦。去到一睇，原來叫聯華，唔係華聯 (笑) 當堂諗起仙道同流川講，全國大賽有個北沢好厲害，要留意 (笑)。
下午5:00的茶餐廳，係全世界最休閑的空間。我叫咗個茶餐，十分豐富。「食茶餐都要戴超？！」係，因為我要向大家介紹，我的好朋友@pazo_ho手工精製的眼鏡品牌@22degree eyewear，無諗過佢由眼鏡店老闆，突然加多了一個身份：手工眼鏡工匠。 戴咗一星期，一個字：輕！呢隻物料仲可完全回收，實在係好。我日日戴，戴到食茶餐都唔捨得除。除咗呢款，仲有好多款，大家可以去荷里活道@22.optical Showroom慢慢睇，記得搵Pazo傾吓計。
最後，想問大家一個問題，喺最尾一張相，日式炒烏冬一欄，第一個「干炒三絲烏冬」，同尾二「乾炒三絲烏冬」到底有咩唔同？如果有唔同，叫落品嘅時候要點叫？
22 OPTICAL Select Shop 香港荷里活道242號 No.242, Hollywood Road, Hong Kong.