【MODERN TIMES TRAVEL GUIDE 04・#放假忙過開工－定休日日誌2023年4月21日】
又到了每周四連載的《定休日日誌 #放假忙過開工》。今天是懷舊之旅，搭地鐵來到尖沙咀，沿麼地道行去尖東，看到這個噴水池，我讀中學時，平安夜+除夕，成班同學Gel晒頭着到好恆咁行完尖東海旁一定嚟坐通宵，凍到震 (嗰陣時香港凍好多)，為乜？我點知？少年人就係咁。 行返過加連威老道，心血來潮，去百利商場睇吓，仲喺度，入面變晒婚紗舖。
終於來到今日的目的地利時商品場，可能已經有二十年無嚟過，今天嚟搵個舊同學，俾個驚喜佢。如果喜歡東歐製運動鞋，必定會知道這店子@quarter416 ，店主阿鵬正是我的預科同學 (而家好似已經無預科呢樣嘢了，對吧)，他在利時商場已紮根二十年，是各類靴物的專家，尤其是東歐製的名機種，今日一攞上手，真的質感滿滿，歐洲手工精製確係唔同的。 大約二時半來到，大部分店子尚未開門，遠遠已看到阿鵬的店子已開了。大家好耐無見，交流了近況，真的很開心。大家過開尖沙咀，請務必去睇吓，大量特別款式，喺第二度見唔到，只此一家。有乜唔明即管開聲，阿鵬超友善，一定能為大家解答疑難。
Quarter416 香港尖沙咀嘉蘭圍5-11號利時商場217舖 Shop 217, Rise Commercial Building, 5-11 Granville Circuit, Tsim Sha Tsui, Kowloon, Hong Kong.