【MODERN TIMES TRAVEL GUIDE 01・放假忙過開工－定休日日誌 2023年3月30日】
關於定休日的行程，大家好似幾鍾意睇，決定將佢變成固定欄目：《#放假忙過開工》(#ModernTimesTravelGuide) 約了一位重量級好友會面，他就是Edward @edwardjohnsebastian (圖左)。都唔係好記得我哋點識，但真係識咗好多年。最記得有一次去英國Business Trip，偷了個空檔去London East逛逛，當時是新興地區，竟然咁都撞到Edward，佢十分熟悉當地，仲帶我去Hostem，十分難忘。不過講起都可能有十年了。
Edward現在是K11 Group嘅Head of Creative and Content，所有創意企劃都係由佢發起，十分厲害。仲記得我哋2021年11月同 @tasselshongkong搞Pop Up，Edward已幫手大力宣傳，實在太感激。佢原本邀請我去上星期四開幕的Event: Social Nerd: Support Group 2023 - Misfits Manifesto，順便睇吓佢哋新開的展覽場地 @cement.werkstatt ，可惜撞啱係我哋定休日，因為已另有安排，所以去唔到。 於是我哋再約今個星期四，所以一早搭船去尖沙咀，其實好Chill。我哋首先去CEMENT，喺Musea Edition，我去K11 Musea都成日迷路，Edward教我認住Kenzo，對正入口。今次展覽集合了本地創作人的作品，包括Modern Times的好朋友 @littlethunder的新作 (但已賣出了），看到《The Last Whole Earth Catalog》就知道一定對味。在這個空間感十足的場地，大家可以自由參觀，感覺十分好。(展期至4月16日，入場免費)
然後Edward帶我上6/F睇另一個重頭展覽City As Studio，整個展覽根本就係近代街頭藝術的發展史，每一Part Edward都為我細心講解，竟然無端端變咗一個小時的Private Tour，實在榮幸。九十年代KAWS的真跡真係未見過，絕對值得一去。十分感激Edward安排咗今次參觀，亦都極期待往後的合作。另外，Modern Times的客人如果想去City As Studio，購票時輸入CASK75NW可享八五折啊。 連結：www.k11experience.com
K11 Art Karnival 🗓️ 20 Mar - 14 May Hashtags - K11 Art Karnival @K11MUSEA #K11MUSEA #K11ARTKARNIVAL SOCIAL NERD: SUPPORT GROUP 2023 - MISFITS MANIFESTO @cement.werkstatt @social.nerd.co @K11MUSEA #CEMENTWERKSTATT Book to visit City As Studio exhibition now via www.k11experience.com Promo code (15% off) - CASK75NW